Wednesday, June 28, 2017

Lalaki nakuang nakabitay sa kisame


LIGAO CITY 6/28/17 (Bicol Standard) –Malipot nang bangkay si Sunny Balanrayos y Ogama, 38, residente kan P-7, Barangay Oma-oma, kan nareparo kan saindang mga pag-iriba sa harong.

An victima naheling na nakabitay sa kabaan kan saindang harong, segun sa ipinaabot na informasyon ni Jessa Orlina sa hepatura kan police digdi.

An incidente nadiscubre kan Martes na odto.

Sabi kan mga imbestigador naheling na sana an victima na nakagakod nin nylon sa saiyang liog na nakatakod sa kabaan kan saindang harong.

Mayo nin itinaong rason kun tano ta naghugot an victima.

An siring na incidente nin pagpapatiwakal kabale sa halawig nang listahan nin mga caso nin suicide na nanotaran sa Albay base sa blotter kan pulis.

May informasyon na nasabi na may problemang personal an victima na iyong guinikanan kan saiyang desisyon na tapuson na an saiyang buhay.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...