For immediate hiring

For immediate hiring

Thursday, June 15, 2017

“Insurgency related” an serye nin garadanan sa Sorsogon




SORSOGON (Bicol Standard) - Poon sana kan Marso ngonian na taon kan mag collapse an peace talks entre kan NDF -News People’s Army (NPA) asin kan gobierno, 8 na an ginadan sa Matnog, Sorsogon.

Segun sa pahayag ni Sorsogon PNP Provincial Director PSrSupt. Ronaldo Cabral, malinaw na insurgency related an garadanan, sa Sorsogon.

Maroromdoman na afuera kan mga incidenteng nangyari sa Matnog, arog kan pag-badil, gadan kan retiradong pulis digdi, ngonian sanang semana binadil sa saindang residencia an sarong barangay kagawad sa Gubat.

Kan sarong Bangui, binadil an Punong barangay sa Irosin, Sorsogon.

Nagpahayag si Cabral na hinohorot niyang magkaigwa nin “localized” peace talks sa provincia.

Hinagad niya an tabang kan mga nanunungdan, simbahan, taga media, civil society groups, civilian, para magpatahaw asin mag-initiar nin negosasyon entre kan mga rebelde asin representantes kan gobierno.

“Pwede akong makipag olay sainda, maski anong oras,” sabi ni Cabral.

“Pilipino contra Pilipino. Kita-kita man sana an nag gagaradanan. Dapat makahanap nin magdadanay na solusyon tanganing makabwelta an matinong na sitwasyon,” sabi niya sa intrevista kan Bicol Standard, kasubangui.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...