Friday, June 23, 2017

Harong nin negosyante sa Sta. Elena, CNorte sinalakat


DAET, Camarines Norte 6/23/17 (Bicol Standard) – Mayong nakabisto kan personang imbuelto sa nagsalakat sa harong ni Marites Pida y Ona, kan Martes, sa pag-oltanan kan oras na alas 8:00 nin banggui hasta alas 2:00 nin mag-omagahon kan Martes (Julio 20).

An residencia kan victima yaon sa Purok 6, Sitio Cambulong, Barangay Basiad, Sta. Elena, Camarines Norte.

Base sa report kan pulis, si Pida, 57, negosyante, taga Sariaya, Quezon, alagad yaon sa Sta. Elena nagbugtak kan saiyang negosyo.

An nagsalakat kan victima nakalaog sa harong sa paagi kan pagraot kan kisame na duman naglusot.

Kan makalaog na sa harong, nag derecho sa cuarto kan victima dangan kinua an cash na kantidad P8,000.00 na nasasaray sa sulong-sulong asin iba pang mga gamit.

Nag-oosisa pa an mga awtoridad kun sisay an naggibo kan pagsalakat sa victima.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...