For immediate hiring

For immediate hiring

Friday, June 16, 2017

Execution Pending Appeal sa protesta ni Polinga, aprub kan RTC


NAGA CITY (Bicol Standard) – Tinugotan kan Branch 63 kan Regional Trial Court sa Calabanga, Camarines Sur an Petition for Execution Pending appeal na pabor sa Election Protest Case na isinangat ni Carina Ramos-Polinga contra ki Alcalde Sandy Ondis kan Siruma, Camarines Sur.

An gustong sabihon kaini, inaprobaran ni RTC Judge Pedro Redona si kahagadan ni Polinga na tugotan siyang mag-asumir na sa pwesto bilang tunay na nanggana sa ralaban sa cargong alkalde sa Siruma sa election na ginibo kan Mayo 9, 2016.

Sa intrevista kan BICOL STANDARD ki Gilbert Morandarte, an abogado ni Polinga, saiyang sinabi na pugol na ni Polinga an desisyon na firmado ni RTC Judge Redona na minatugot na ipasunod na an desisyon.

Sa pigsusunod na procedemiento sa arog kaining kaso, tinatawan an nadaog sa election protest, nin 20ng aldaw, makakua nin injunction, tanganing mapugol an pagpa-otob kan Order for Execution Pending Appeal, segun ki Morandarte.

Idinagdag ni Morandarte sa BICOL STANDARD, na nag-file na nin Petition For Certiorari na may kasabay na pangadyeon na magpaluwas nin injunction an Comelec duman sa Manila.

Hinahagad ni Ondis na an Comelec mag-issue tulos nin injunction para maolang an bakong pabor sa desisyon na mag-issue an Comelec nin injunction, contra sa pabor na desisyon ki Polinga.

Segun ki Morandarte, naghahalat lang sinda kan mga masunod na pagdangog kan caso. An importante sana ta an saiyang cliente na si Karen Polinga gana sa election protest asin an RTC nag-sugo nang magkaigwa nin Execution Pending Appeal kan desisyon.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...