Thursday, June 29, 2017

Dating VM Pastoral kan Nabua, naaksidente, gadan


NABUA, CSur 06/29/17 (Bicol Standard) – Binawian nin buhay si dating Vice Mayor Edgar Pastoral nin huli sa aksidente sa motorsiklo sa Barangay San Antonio digdi.

An incidente nangyari poco mas o menos alas 8:00 kasubanggui.

Nagluluwas sa report na inagda ni Pastoral si Sebastian Abinal, residente man kan banwaan na ini, para magbilar sa gadan.

Para madali na makaduman sa bilaran, nagkua sinda nin service na motorsiklo na lulunadan ninda.

Si Pastoral nagsuno sa motorsiklo ni Abinal. Dangan nag-ansyas na sindang mag paandar kan makina kan motorsiklo.

Dai pa nakakahale sa kinakamugtakan na lugar an saindang motorsiklo na lulunadan binudalan na sinda nin saro pang motorsiklo sa likodan.

Ini an pig ponan kan disgracia ki Pastoral asin sa saiyang kaibahan.

Huli kan pagkabundol ki dating Vice Mayor Pastoral asin sa saiyang kaibahan nahulog siya sa guilid kan tinampo asin nabagok an saiyang payo.

Idinalagan siya sa Santa Maria Josefa Hospital sa Nabua tanganing ipabulong.

Alagad, kasubagong alas 1:00 nin mag-omagahon, binawian siya nin buhay.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...