Friday, June 16, 2017

BDO, may patanid sa mga depositors


NAGA CITY 6/16/17 (Bicol Standard) -- Ipinahayag kan Banco de Oro (BDO) Unibank kasubago, na an saindang automated teller machines (ATMs) “potentially compromised,” na maresulta sa paper losses sa ibang mga cliente ninda.

An BDO nag-asigurar sa publico na mayo nin dapat ikahadit, ta makukua ninda an saindang cuarta kun may nangyaring siring na problema.

Iyo ini an pahayag kasubagong hapon ni Romeo “Bob” de Vera, an saro sa mga bank managers kan BDO sa Naga City, na kaolay kan BICOL STANDARD.

Sabi sa news release kan BDO sa Manila, an mga ATMs, kun minsan, nagkakaigwa talaga nin problema.

An parateng problema iyo an inaapod nindang “skimming” na kun saen hinahabon kan mga bentahoso asin madaya an card credentials. Ini sa paagui kan pag gamit nin devices na itinatakod sa ATM machines, asin ginagamit ninda sa dai awtorisadong pag withdraw nin cuarta.

An bareta asin patanid na ini, kasunod kan nagluwas na report hale sa nagkapirang cardholders.

Nangyari ini sarong semana makalihis an duwang aldaw na “glitch” sa Bank of the Philippine Islands (BPI), na resulta kan “internal data error,” na si ibang mga deposito sa banko nagdagdag mantang an iba na-inaan.

An mga customers pig aavisohan na kun may mga dai awtorisadong transaction, makipag coordinar tulos sa sainda, para an saindang caso tulos ma-imbestigaran.

Kun igwa nin mga nabawas sa saindang deposito, ini re-reimbursaran kan BDO.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...