Sunday, June 25, 2017

5 katawo dakop sa buy bust sa Naga City

NAGA CITY (Bicol Standard) – Dinakop kan mga pulis an 5ng personas na yaon sa B5 Lodging House, sa Magsaysay Avenue, Barangay Balatas, digdi kasubagong ala 1:00 nin hapon, (Junio 25) sa buy bust operation.



Kabale sa tinuklo kan mga awtoridad iyo sinda Princess Lucas y Valera, Franco Mesa y Garcia, Ramon Garcia y De Leon, Rey Earn Reyta y Guinto asin Leonard Casaul y Bongat.

An operasyon kan pulis en conection sa orog na pinakusog na kampanya contra sa illegal na droga, na lakop pa guiraray ngonian, apisar kan igot nang kampanya.

Nakua sa saindang poder an mga pigtutubodan na shabu, illegal drug paraphernalia, celphone, gunting, asin iba pang mga gamit, kabale an kantidad P520.00 na paon sa buy bust operation.

Segun sa report haloy nang pig hihinirib an nasambit na lugar huli sa mga reports na ginigibo ining estambayan kan mga imbuelto sa illegal na droga.

Yaon ngonian sa hepatura kan pulis an 5 mientras na pighahalat an pagsangat sainda nin caso sa pagbalga kan R.A. 9165, an Dangerous Drugs Act of 2002.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...