Saturday, May 13, 2017

Taga Isla Sison, nadakop nagtitinda nin shabu sa Bagumbayan, Naga City

NAGA CITY – Taga Zone 7, Sagrada Familia (Isla Sison), Barangay Penafrancia, si Roman Austria y Hilario, alagad nadakop sa laog kan Zamjems Travellers Inn, Bagumbayan digdi sa buy bust operation na ginibo kan mga pulis.



Poco mas o menos alas 11:40 nin bangui kan sakyadahon kan pinagsararong fuerza kan RDEU, CDEU, SDEY, Naga CSPC asin Police Station 3 kan NCPO an okupadong lugar kan suspechado, pakatapos na maging positibo si pagpabakal niya nin shabu sa “asset” kan pulis.

Nakua sa poder ni Austria an mga sachet nin shabu, improvised tooter, napiripit na aluminum foil na may tada pang shabu asin iba pang mga gamit sa pag consumo nin droga.

An ibang mga evidencia na nakua sa suspechado iyo an celphone, kantidad P500 na ginamit na paon o buy bust money asin kantidad P512.00 sa saiyang bulsa.

Maatubang nin caso sa illegal drugs an suspechado na napupugolan ngonian kan mga awtoridad digdi.

Base sa imbestigasyon si mga pusikit na para tinda nin shabu hale sa Isla Sison naglipat na sa man laen-laen na lugar sa laog kan ciudad.

Alagad, may naheling na senyales na padagos man guiraray an pagpabakal nin droga digdi hasta ngonian.
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...