Thursday, May 25, 2017

Taga Bula, nadakop nagsasaray dai licensiyadong badil

NAGA CITY (Bicol Standard) Dinakop kan mga pulis si Presco Balleber Jr y Follero alyas “Kalbo,” pakatapos na i-serve saiya an search warrant, asin nakuanan nin armas.




Si Balleber, na residente kan Sitio Bulilacao, Barangay Palsong, Bula, Camarines Sur, binitbit kan mga awtoridad tanganing sangatan nin caso.

Nakua sa saiyang poder an cal 5.5 mm M16 Elisco Rifle, na may laog pang bala.

Afuera kan badil, nakakua pa nin steel magazine an mga pulis, na may laog man guiraray nin bala para sa armalite asin para sa 9mm.

An search warrant firmado ni Judge Manuel M. Rosales, an Executive Judge sa RTC, Iriga City, asin may fecha Mayo 23, 2017.

An caso na isasangat contra ki Balleber iyo an pagbalga sa R.A. 10591, o illegal possession of firearms and ammunition.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...