Thursday, May 18, 2017

Sugal na “Suertres” dinakop sa Garchitorena, CSur

NAGA CITY (Bicol Standard) – Bakong jueteng o loteng, kundi an inaapod na “Suertres,” na sarong clase nin illegal na sugal, an nagdadanay sa Garchitorena, Camarines Sur.




Segun sa report sa BICOL STANDARD haloy nang nag-uso an nasambit na sugal na an lokal na operator may pinapatayaan man na mga numero.

Huli mga sahot na igwang mga nanginginabang na mga awtoridad sa banwaan, dinakop kan pulis si Albert Berces y Dy-Contang, 34, an saro sa mga parapataya kan nasambit na sugal.

Si Berces napupugolan ngonian kan pulis mantang pighahanda an pag-sangat nin casong pagbalga sa “Illegal Gambling.” Dinakop siya sa Sitio Teres, Barangay San Vicente, Garchitorena, Camarines Sur.

Nakua sa saiyang poder iyo an mga gamit suboot niya sa pagpataya sa “Suertres”, an kantidad P96.00 na cuartang itinaya sa sugal, Lenovo tablet na pig hehelingan kan numerong nangana, mga papel, ball pen, nangganang combinasyon nin numero “729” asin “126,” asin an motorsiklo na gamit niya sa pagpataya.

An nasambit na sugal suboot igwa nin bendisyon sa nagkapirang officiales lokal na dai pa sinambit sa bareta.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...