Friday, May 19, 2017

Soltero, pigholdup nin 2ng lalaki sa Malilipot, Albay

LEGAZPI CITY (Bicol Standard) – Dai nabisto an duwang lalaking nakalunad sa motorsiklo na suspechado sa pag-holdup ki Joseph Mark Contreras y Francisco, 19, na taga Barangay Quinale, Tabaco City.



An krimen nangyari sa barangay Sta. Cruz, Malilipot, Albay, alas 9:50 nin bangui (Mayo 17).

Sabi kan pulis, an mga suspechado nakasulot nin abohon an color na jackets, maong na pantalon asin tahob an pandok kan saindang helmets.

An victima paoli na sa saindang harong, nakalunad sa motorsiklo.

Pag-agi sa Barangay Sta. Cruz, Malilipot, hinipaan siya kan mga suspechado, tinutokan nin kutsilyo, dangan nag deklarar nin holdup.

Nakua sa victima an saiyang cell phone na kantidad P6,000.00.

Nagdurulag man tulos an mga suspechado pasiring sa Tabaco City.

An mga imbestigador dai pa nin informasyon kun sisay an mga suspechado.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...