Thursday, May 25, 2017

Rally kan Bayan guinibo sa Naga, Legazpi

NAGA CITY – Duwang tiripon nin mga miembros kan grupong Bayan an nanotaran kasuodma – saro sa atubangan kan Rotonda, Quezon Ave, Barangay Lapu-lapu, Legazpi City, asin digdi sa Plaza Quezon, Ciudad nin Naga.

Si Katherine Chancoco, an Presidente kan Ateneo de Naga University Supreme Student Government (AdNU-SSG), nagtao nin mensahe sa mga jovenes sa rally na ginibo sa Plaza Rizal.

An mga jovenes nagsulo nin kandila bilang pagromdom sa mga binawian nin buhay sa Marawi.

An sadit na grupo nin mga nagpoprotesta nag-condinar kan pag bugka ni Pres Rodrigo Duterte kan Mindanao sa lindong kan ley martial.

An mga nagparticipas sa mass action nagpapara suriyaw nin “No to Martial Law,” asin nagpapaguiromdom kan mga maringis na pag-abuso na nakomitir durante kan Martial law na ibinaba ni dating Pres Marcos.

Poco mas o menos alas 9:30 kasuodmang aga, may sarong puti na multi-cab na may lunad nin 5-10 mga tawo an nagkaigwa nin programa sa Rotonda, sa Quezon Avenue, Barangay Lapu-Lapu.

Digdi sa Naga City, maabot sa 30 hasta 50ng mga jovenes, kadaklan mga escuela sa Ateneo de Naga University, an nagbale sa pag sindi nin candila, bilang pagprotesta sa ipig declarar na Martial law sa Mindanao.

An mga nagtaram, liwat pinaguiromdom an mga mapait na experiencia kan mga Pilipinas durante kan ley martial kan panahon ni Marcos.

Pirang minutos man na nagdurar an programa sa Plaza Quezon.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...