Thursday, May 25, 2017

Police visibility pig sugo ni CSupt Buenafe

LEGAZPI CITY (Bicol Standard) — Nagsugo si Bicol PNP Regional Director Omar Buenafe sa mga pulis na orog pang higotan an seguridad sa region huli sa pagdeclarar kan bilog na Mindanao na nasa lindong kan ley martial.



Kabale sa directiba ni Buenafe iyo an pagbugtak nin mga check points sa mga mayor na tinampo, sa mga matawong lugar, mga patrabaho kan gobierno, airports, seaports, terminals, mall, simbahan, eskwelahan, kabale an mga communication lines.

An gustong sabihon, mas dakul na mga pulis an mabantan sa laog nin 24 oras, nin huli sa declarasyon na “full alert status.”

An obheto kan pulis iyo an maibitaran an ano man na problema na pwedeng magbungkaras na may relasyon sa seguridad kan mga tawo.

Sinugo ni Buenafe an gabos na hefe kan mga pulis sa bilog na region na dagdagan an “police visibility” asin pakusogon an pagtipon nin mga intelligence report, katuwang an mga officiales kan barangay.

Hasta sa sinusurat an baretang ini, mayo pa man nin naheheling na mga grupo nin mga terorista na nagbabaray-basay sa arin man na parte kan region.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...