Wednesday, May 10, 2017

'Not guilty,' sabi kan mag-agom na Avenido sa korte


NAGA CITY (Bicol Standard) — Binasahan na nin demanda sinda Nestor Avenido y Puerto asin an saiyang agom na si Maria Joy Avenido y Agnabo, na pareyo nagaatubang nin dagmang na mga kaso kriminal, arog kan Syndicated Estafa asin pagbalga kan BP 22 o an Bouncing Check law.

An enot na nagkaigwa nin arraignment iyo si mga kaso na bibistahan sa sala ni Judge Erwin Virgilio Ferrer kan RTC Branch 33, sa Pili, Camarines Sur.

An gabos na casong saiyang inaatubang sa nasambit na sala, mayong rekomendadong fianza.

Maroromdoman na an mag-agom na Avenido detinido ngonian sa Tinangis Penal Farm, sa Pili, Camarines Sur, poon kan sinda nadakop sa Sto. Tomas, Batangas kan Abril 18, 2017.

An nagdakop sainda iyo si mga tawohan kan Criminal Investigation and Detection Group (CIDG).

Afuera kan mga kaso sa sala ni Judge Ferrer, dakul pang kabaeng na mga asunto an nakatalaan man na bistahan sa sala ni Judge Vivencio Gregorio A. Atutubo III kan RTC Branch 31, sa Pili, Camarines Sur.

Anas mayo nin fianza an mga kaso sa sala kan nasambit na judge.

Igwa pang separadong mga caso sa sala nin Judge Zenaida Najera-Bragais, na anas pagbalga kan BP 22 o an bounching checks law, o mga nagtalbog na checke na pig issue ninda.

Sa sala ni RTC Judge Bernard Beltran kan RTC Branch 23, igwa man nin saro pang asunto kriminal

Enot pa kaini, dinara na an mag-agom na Avenido sa sala ni Judge Ferrer para mabasahan sinda kan akusasyon.

Alagad, dai nadagos si pagbasa huli ta mayo sinda nin abogado.

Mientrastanto, an mag-agom nag entra sa record kan RTC nin “not guilty” plea, sa mga asunto na saindang inaatubang.
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...