Saturday, May 6, 2017

Nag gadan kan saiyang agom, nadakop na sa Basud, CNorte

BASUD, Camarines Norte 5/6/17(Bicol Standard) Nadakop na kan pulis kasuodmang hapon an lalaki na suspechado sa paggadan kan saiyang agom, labing duwang bulan pa sana an naka-agui.




An saiyang pangaran iyo si Eduardo Espina y Nagera, taga Purok 3, Barangay Manmuntay sa banwaan na ini.

Segun sa pulis, may nag-sumbong sa sainda kan lugar na tinatagoan kan suspechado, kaya madali nindang nadakop.

Mientrastanto, sa pagsiyasat naaraman na burat an suspechado na nag-kasa kan saiyang badil, sa atubangan kan mga tawo, kaya nag-tiripwasan an saindang mga hahampang. Ini an rason kun tano ta may nagpaabot nin sumbong sa pulis, kaya inabotan sa lugar an suspechado.

Haloy na man siyang hinahanap kan mga awtoridad huli sa enot na krimen.

Idinagdag sa imbestigasyon na naabotan kan mga pulis an suspechado na nakahigda na, huli sa kaburatan. Nakuang kadurog ni Espina an saiyang armas na “sumpak,” na may cargang sarong bala para sa shotgun.

Kan naka-aging Pebrero pa sana, ngonian na taon kan suboot ginadan kan suspechado an saiyang agom por medyo nin saksak

May inaatubang siyang kasong Parricide. Alagad, madudugangan pa ini nin bagong kasong Illegal Possession of Firearms and Ammunition, sabi pa kan mga awtoridad.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...