Thursday, May 25, 2017

“Miracle drug” pwedeng madiscubre sa kadagatan kan Pilipinas

Pwedeng maghale sa kadagatan kan Pilipinas an masunod na “miracle drug,” sabi kan mga scientists ngonian na semana.



Si Dr. Aaron Joseph Villaraza, associate professor sa University of the Philippines Institute of Chemistry sa Diliman, Quezon City, makusog an pagtubod na makukua an “miracle drug” hale man sana sa mahiwas asin mayaman na kadagatan sa palibot kan Pilipinas.

Sa pagratam ni Dr. Villaraza sa ika 39ng Luzon Session kan National Acedemy of Science and Technology, sinabi niya na an bulong para sa paghale nin kulog o “pain reliever” na ginagamit sa cancer research hale sa mga marine life, na abunda sa Pilipinas.

An Pilipinas may mayamanon na “biodiversity,” kaya ngani an Smitsonian Institution nag conducir kan taon 2015 nin survey kan 2,98 na species nin sira, sari ni Dr. Villaraza.

An kadaklan na pig adalan nindang mga species nin sira hale sa Verde Island, sa may Mindoro.

Nagkakaigwa man ngonian nin research sa Ilocos region, asin naconfirmar an medicinal properties kan nagkapirang clase nin seaweed, sabi kan dean sa College of Aquatic Science and Technology sa Don Mariano Marcos State University.

Sa presente, kadakul na mga darakulang companiya an nag invertir nan in cuarta para sa mga pag aadal sa Pilipinas.

Makusog na maray an pagtubod kan mga scientists na makukua an “miracle drug” digdi sa kadagatan kan Pilipinas, sa dae mahahaloy na panahon.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...