Tuesday, May 16, 2017

Mag-tugang, sinaksak sa Libon, Albay

LEGAZPI CITY (Bicol Standard) -- Yaon ngonian pig bubulong sa Bicol Regional Training and Teaching Hospital (BRTTH) an magtugang na Nonelio Bo y Villanueva asin Romeo Bo y Villanueva, taga Sitio Mapili, Barangay Pantao, Libon, Albay huli sa mga tama nin saksak sa saindang lawas.



An sabi sa report, an magtugang na Bo iyo an napamusansangan kan suspechadong si Romy Rose a.k.a “Ar-Ar,” 25, na residente kan kapareyong barangay.

An incidente nangyari poco mas o menos alas 8:00 nin bangui (Mayo 15), sa Sitio Mapili, Barangay Pantao, Libon, Albay.

Sabi kan mga imbestigador, kasubagong alas 11:00 nin odto (Mayo 16) ipinabugtak sa blotter kan pulis ni Rolando Bo y Villanueva, an incidente.

Sabi ni Rolando Bo, alas 8:00 nin bangui kan Mayo 15, an magtugang na Romeo Bo asin Nonelio Bo nag-irinoman sa harong ni Johnny Fidelmonte sa Sitio Mapili, Pantao, Libon. Kahampang an saindang mga amigo kan magkaigwa nin diskusyon si Arnel Sasia asin an suspechadong si Romy Rose.

Huli kan diskusyon, sinaksay suboot ni “Ar-Ar” an mga victima, dangan nagdalagan padulag an suspechado.

An mga victima idinalagan sa Pantao District Hospital.

Alagad, ibinalyo sa BRTTH sa Legazpi City, na kun saen sinda pigbubulong ngonian.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...