Thursday, May 18, 2017

Lalaki, tinadtad nin bala sa Sipocot

NAGA CITY (Bicol Standard) Duwang dai nabistong mga lalaki an suspechado sa pagtadtad nin bala sa hawak ni Edwin Bristol y Abasola, 61, na residente kan Barangay Cotmo, Sipocot, Camarines Sur.




An ginamit na badil kan mga kriminal iyo an calibre .45ng pistola, sabi sa report kan pulis.

Nangyari an krimen ala 1:30 nin hapon, kan Martes (Mayo 16) sa nasambit na barangay.

Sabi kan mga imbestigador mayong buhayan an victima huli sa lagbas nin mga bala an nagkapirang parte kan saiyang lawas, huli sa pigtutubodan na harani sanang maray an nagbadil.

Nagadan sa pinangyarihan kan incidente si Bristol. Nakua harane sa saiyang bangkay an 4 na pidaso nin mga capsula hale sa calibre .45.

Nagsayuma nang ipa-autopsy an bangkay kan victima, sabi ni SPO3 Alber A. Joven, an imbestigador kan kaso.
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...