For immediate hiring

For immediate hiring

Monday, May 22, 2017

Lalaki, binadil kan kainoman sa Sto. Domingo, Albay


LEGAZPI CITY 5/22/17 (Bicol Standard) -- Nag-iimbestigar pa an mga awtoridad sa motibo kan pagbadil ki Nino Abellano y Bataller, 25, taga Barangay Sula, Bacacay, Albay asin ki Lea Buenbenuto, menor de edad na aki ni Glenda Abellano, tugang ni Nino.

An suspechado iyo si Jomer Zape, taga Barangay Del Rosario, Sto. Domingo, Albay.

Nangyari an krimen alas 11:05 kasubanggui (Mayo 21).

Sabi kan testigo, si Nino Abellano asin an suspechadong si Jomer Zafe nag-inoman ngona sa harong ni Glenda.

Dangan naghale sinda asin nagduman sa beer plaza sa banwaan kan Sto. Domingo, Albay.

Naheling an victima na nagbwelta sa harong ni Glenda. Mantang nakipag estoryahan an victima sa saiyang tugang na lalaki asin sa sobrena kan biglang nag-abot an suspechado na may darang armas na badil asin basang na sanang nagparapaputok.

Tinamaan sa man laen-laen na parte kan saiyang lawas si Nino Abellano asin an sobrenang si Lea.

Huli kan dakul na tama nin bala, nakuang nakabulagting sa kusina an victima,na duman na binawian nin buhay.

An menor de edad na victima igwa man nin tama, kaya pigbubulong ngonian sa hospital.

Dinara pa kuta sa doctor an victima, alagad ipig declarar na dead on arrival.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...