Monday, May 22, 2017

High Value Target na kagawad sa Bombon, nadakop kan pulis


NAGA CITY 5/22/17 (BICOL STANDARD) -- Yaon sa listahan kan “high value target” kan pulis an naarestar na barangay kagawad kan Bombon, Camarines Sur na si Joel Morales asin Marcel German, na nadakop kan i-serve an search warrant sa saindang residencia.

Si Kagawad Joel Morales, bistado sa saindang lugar bilang drug pusher, sabi sa pahayag kan pulis kan Bombon.

An saindang residencia makukua sa Barangay San Antonio, Bombon, Camarines Sur.

Nakumpiscar ki Morales an 10ng sachets nin shabu asin mga drug paraphernalia, mantang si German nakuanan nin mga bala nin badil, 10ng sachet nin shabu asin drug paraphernalia.

Sabi kan pulis, haloy na ninda pig momonitor an mga lakaw kan mga suspechado, bako sanang sa Bombon, kundi magin sa kataid na banwaan kan Calabanga.

An duwa dati na man presentar kan saindang mga sadire sa Oplan Tokhang.

Kabale sa saindang promisa iyo na makikipagtabangan sa mga awtoridad sa paglaban sa problema sa droga.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...