Monday, May 22, 2017

'Heavy equipment' rinaot kan mga armadong lalaki sa bukid kan Lagonoy


Rinaot kan 15ng dai nabistong mga armadong mga lalaki an mga darakulang ekipahe na ginagamit sa pagpalakbang asin sa pag-gibo nin tinampo, arog kan 2ng payloader, 2ng backhoe, bulldozer, crasher asin trucks sa Barangay Pinamihagan, Lagonoy, Camarines Sur kan Mayo 18ng aga, sabi sa report kan pulis.

Afuera kan pagraot kan mga ekipahe, hinabon pa an mga gamit kan Marilag Professional Security Services, Inc., na nakabase sa nasambit na pwerang barangay.

An mga victima iyo sinda Lorenao Maraggay y Palac asin Noel Solano y Aguihon, pareyong empleado kan nasambit na security agency.

Nagluluwas sa imbestigasyon na mientras na an mga victima yaon sa residencia ni Punong Barangay Antonio San Luis kan Pinamihagan, nag-arabot an mga armadong lalaki.

Binitbit an mga victima, kaibahan si barangay kapitan San Luis pasiring sa pwerang lugar, dangan pig-imbestigaran.

Kabale sa mga linalalay kan mga armadong lalaki iyo an sarong unit nin computer, 6 na handheld na radyo, duwang charger, 9 na padis nin combat boots, 10ng pistol belts asin 7ng padis nin uniform para sa security guards.

Nabigla suboot an mga guardya kan biglang pagsulpot kan mga armadong kalalakihan, kaya dai sinda nakapangalasag.

Pakatapos kan incidente, luway-luway sanang nagpatuyatoy parayo an mga suspechado pasiring sa dai maaraman na papadumanan.
Share:

Featured Post

Daet ex-mayor convicted of malversation, graft charge

Former Daet, Camarines Norte Mayor Tito Sarion MANILA 10/12/17 (Bicol Standard) -- Former Daet, Camarines Norte Mayor Tito Sarion wa...