Friday, May 19, 2017

Excursionista sa Pasacao, CSur, nalamos

NAGA CITY (Bicol Standard) Nalamos sa tungod kan Amador Beach Resort sa Barangay Balogo, Pasacao, Camarines Sur si Rejeno Agricula y Doe, 56, residente kan Busac, Libmanan, Camarines Sur.




Segun sa saiyang mga kairiba sa pag excursion an victima dati nang burat bago pa siya magpasiring sa dagat.

Base sa report, naheling na sana kan saiyang mga kairiba na nag-iirarom na sa dagat an victima, kaya tulos na inaragapan.

Idinalagan sa NICC Hospital sa Naga City si Agricula.

Alagad, an sabi kan doctor, mayo na siya nin buhay.

Binabasol kan nasambit na grupo an kawaran nin life guard na nag-mamangno sa beach resort.

Maroromdoman na parateng may nalalamos sa lugar kan Pasacao, Camarines Sur na dinadayo nin dagmang na mga tawo kada panahon nin bakasyon.
Share:

Featured Post

Faeldon Jr., dakop sa Naga City sa drug raid

NAGA CITY--Nagpahimutik si Nicanor Faeldon Jr., aki kan pamayo kan Bureau of Corrections (BUCOR) na si Nicanor Faeldon, na dai siya im...