Tuesday, May 2, 2017

Dai nagbayad revolutionary tax, ginadan?


SORSOGON CITY 5/2/17 (Bicol Standard) -- Sinasabing mga miembros kan rebeldeng New People’s Army (NPA) an nagbadil, gadan kan sarong paraoma sa Barangay Senibaran, Matnog, Sorsogon.

An victima nabisto sa pangaran na Noli Garlan, residente kan nasambit na barangay.

Sa pagsiyasat kan mga pulis kan Matnog, naaraman na dinulok nin lalaki na armado nin badil an victima, dangan hinapot kan saiyang pangaran.

Suboot nakamalesya an victima na bakong maray an tuyo kan lalaki kaya bigla siyang nagtalikod para makadulag.

Alagad, mina ansyas pa sana siyang magdulag, pinuntariya na tulos siya nin badil dangan pinutokan sa saiyang payo asin likod.

An nakuang bala sa lugar na pinangyarihan kan incidente hale sa calibre. 45.

Nagadan an victima sa pinangyarihan na lugar.

Mientrastranto, hasta ngonian nag-iimbestigar pa an mga awtoridad kan mga pangyayari.

Igwang enot na informasyon na nagbutwa na suboot an suspechado na iyo si Noli Balote, na taga Barangay Tugas, Matnog asin kaibahan sinda Betong Estabillo asin Allan Estavillo, na sinasahotan na mga rebelde.

Igwa pang report na nagsasabing suboot an victima nagsayuma kayang magtao kan hinahagad na revolutionary tax kan mga rebelde.

Nagpapadagos pa an pag-imbestigar kan kaso hasta ngonian.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...