CONDOR Bicol, kontra sa phaseout kan jeepney

NAGA CITY 5/23/17 (Bicol Standard) -- Makusog an paglaom kan Concerned Drivers and Operators Tsuper asin Operator Nationwide (Condor-Piston) sa Bicol na dadangogon asin papa honrahan an saindang pangapodan na dai na idagos an planong phaseout kan mga lumang mga jeepney na ginagamit pampasahero.

Sinabi ni Ramon Rescovilla, an deputy secretary general kan Condor-Bicol na nagkakasararo an mga jeepney drivers asin operators sa Bicol na kontrahon an modernization program kan LTFRB asin Department of Transportation.

An protest cararan isasabay sa turnover ceremony kan matukaw na bagong director kan LTFRB sa Bicol na si dating NBI Intelligence Agent Jun Abrazado na papanginotan ni LTFRB chairman Martin Delgra.

An plano kan gobierno iyo an pagphaseout kan mga jeepneys tanganing ribayan nin electric jeepney.