Tuesday, May 23, 2017

Chief Supt. Buenafe, makandidatong alkalde kan Naga?

RD Buenafe

NAGA CITY 5/23/17 (Bicol Standard) -- Mahalat ngona na maka retire siya sa saiyang pwesto antes na magpahayag kan desisyon kun mabale o matapsok sa borolyada sa politica, o mahanap nin ibang mga pagkaka-abalahan sa buhay. Ini an sabi kan sayong dayupot na ayudante ni Chief Supt. Omar Buenafe, kan Bicol PNP, kan liwat hapoton kun ano an plano niya sa pag retiro.

Ini an pinaka ultimong pahayag ni Chief Supt. Omar Buenafe, an Director Regional kan PNP sa Bicol na pig babantog na may planong madalagan talaga na alkalde kan ciudad nin Naga.

Sa pakipaghampangan sa BICOL STANDARD, inako ni Buenafe na dakul mananggad an nagpaparaharapot saiya kun may plano siya sa politika.

Alagad an saiyang simbag, huyom-huyom sana, asin ibinalik an hapot kun ano an obserbasyon kan mga taga media sa saiya.

“Sa presente, idudusay ko an bilog kong oras sa pag mantiner kan paz y orden sa Bicol. Pero, kun mag retire na ako, saka na sana,” sabi ni Buenafe.

An hefe kan pulis sa Bicol, naririsang mahigos na maray magparalibot sa mga barangay kan Naga asin iba pang mga lugar sa Bicol, pig tatyagaan an “feeding program”, sports activities, asin an pag organizar kan Bicol Region Ayaw sa Droga (BRAD). An nasambit na organisasyon iyo an pig iinomonan ngona kan mga politico, na pwedeng ngani maging political organization.

Alagad, an iba pwedeng minamansayan an saiyang “body language” na garong matapsok talaga sa pulitika.

Ngonian na aldaw, si Buenafe kaiba ni Presidente Digong Duterte sa Moscow duman sa Russia.
Share:

Featured Post

Daet ex-mayor convicted of malversation, graft charge

Former Daet, Camarines Norte Mayor Tito Sarion MANILA 10/12/17 (Bicol Standard) -- Former Daet, Camarines Norte Mayor Tito Sarion wa...