Tuesday, May 23, 2017

CD Munez abot na sana sa Junio sa Naga City


NAGA CITY (Bicol Standard) — Abot na sana sa bulan na Junio ngonian na taon digdi sa Naga City si Senior Supt. Julius Muñez, an hefe kan pulis digdi.

Segun ki Muñez na-oogma siya na trangkilo an ciudad, afuera na sana kan mga saradit na krimen, asin an padikit-dikit na nadadakop na imbuelto sa droga.

Segun sa hefe kan pulis, antes siyang maghale, para sa nagdadangadang na na retirement, handa na an security plan sa Peñafrancia Fiesta.

Pira nang beses suboot sindang nag meeting kan saiyang mga tawohan asin an mga oficial kan ciudad, para repasohon an mga dapat gibohon sa maabot na dakulang celebrasyon.

Kan hapoton kun ano an pinaka maray na nagibo niya sa Naga, pig orgolyo ni Muñez na sa saiyang turno, naging maray an relasyon kan mga oficiales kan ciudad asin kan pulis.

Sa parte kan pulis, naging maray an cooperasyon kan lambang saro.

Pig babandera kan hefe kan pulis na kan naka aging Disyembre, sa panahon kan Pasko, maroromdoman na haros zero casualty, huli kan maray na cooperasyon asin maigot na pagbantay kan mga pulis.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...