Monday, May 22, 2017

Burat na excursionista sa Pasacao nabutod


PASACAO, Camarines Sur – Saro na naman na excursionista sa banwaan na ini an nakuang gadan, pagkatapos na malamos sa tungod kan Bragais Beach Resort, sa Zone 1, Barangay Balogo digdi.

Nakuang mayo nang hinangos iyo si Dinnes Bascuna y Balbuena, 47, taga Zone 6-B, Barangay Concepcion Pequena, Naga City.

Nadukayan an saiyang bangkay kan alas 6:00 nin aga kan Mayo 21.

Segun sa pahayag kan saro sa kairiba kan victima, nag-irinoman sinda hastang kasubagong alas 3:30 nin mag-omagahon sa Ranchero Beach Resort.

Aga na kasubago kan naaraman ninda na si saro nindang kahampang sa irinoman na si Bascuna, binawian na palan nin buhay.

An informasyon dapit digdi ipinaabod sa pulis ni Barangay Kagawad Nestor Crisponde kan Barangay Balogo.

Maroromdoman na kan nagtalikod na semana, igwa man nin nagadan na excursionista sa nasambit na barangay.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...