Friday, May 19, 2017

Bangkay nin lalaki nakua sa Lupi, CSur, tad-tad nin bala

NAGA CITY (Bicol Standard) – Sarong bangkay nin lalaki an nadukayan sa Sitio Hagul, Barangay San Jose, Lupi, Camarines Sur, an hasta ngonian dai pa nabibisto an pangaran.




An bangkay may mga tama nin bale hale sa calibre .9mm, na iyo an pwede niyang ikinagadan.

Sabin i Barangay Kagawad Arnel Bodoy y Villarin kan Brgy. San Jose, Lupi halaba an buhok kan gadan; nakasulot nin puti na camiseta, short pants; may tattoo sa mag-ibong na paa, sa toong takyag asin sa walang parte kan liog; asin nagagapos an duwang kamot sa likod kan saiyang lawas.

Afuerte kan mga capsula nin bala hale sa calibre .9mm, may mga nakuang plastic sachet na may laog na shabu an victima.

Siring man, may nakua saiya nin itom na mascara.

An bangkay dinara sa Sta. Rita Funeral Homes, Sipocot, Camarines Sur.

Mayo pang evidencia na pwedeng makatukdo kun sisay an responsable sa krimen.

Pig imbistigaran pa kan mga pulis sa Lupi, Camarines Sur an casong ini.
Share:

Featured Post

DOST-Bicol turns over P23-M projects to state U, college

By Connie Calipay LEGAZPI CITY -- The Department of Science and Technology’s (DOST) office in Bicol recently turned over to a state...