Saturday, May 6, 2017

Bangkay nin babae nakua sa laog kan hotel, may tama nin 4 na saksak

DAET, Camarines Norte 5/6/17 (Bicol Standard) – Dai pa nabibisto an lalaki na kaiba kan babaeng nakuang gadan sa laog kan Room No. 7 kan Travellers Hotel sa Barangay Bagasbas digdi.




An bangkay kan babae may 4 na tama nin saksak sa lawas na iyong an saiyang ikinagadan.

Sabi kan mga imbestigador, an babaeng nakuang gadan nag-laog sa hotel na may kaibang lalaki kasuodmang alas 7:00 nin aga. Alagad, poco mas o menos alas 9:00 nin aga, kasuodma man sana nagluwas na an lalaki, pakatapos na bayadan an arkila sa cuarto na saindang pig okupar sa laog nin 24 oras.

Nadiskubre kan tawohan kan hotel kasubagong alas 8:00 nin aga sana an nagkakarigos sa dugo na lawas kan victima, na nakadapla sa sa irarom kan kama.

An mga miembros kan SOCO na nag-iimbestigar kan kaso nagsabi na may senyales na nakilaban an babae sa kaggibo kan krimen antes siyang binawian nin buhay.

Mayo nin ano man na Identification Card an bangkay kaya hastang sinusurat an baretang ini, dai pa siya nabibisto.

Nagpapadagos an pagsiyasat kan krimen ngonian.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...