Tuesday, May 9, 2017

Babae na nasa drug list sa Labo, binadil


LABO, Camarines Norte 5/9/18 (Bicol Standard) – Binadil nin nagkapirang beses sa man laen-laen na parte kan saiyang lawas si Myra Munoz y Checombing a.k.a “Aleng”, 42, kabale sa listahan kan mga imbuelto sa droga, asin nag-eestar sa PP5-Barangay Tulay Na Lupa, sa banwaan na ini.

An victima tinuyo sa saindang residencia nin duwang lalaki na nakasulot nin mascara, dangan pinutokan kan saindang darang mga armas.

Mayong nakabisto kan mga suspechado na magkasuno sa motorsiklo asin naka jacket na itom.

Marikas na nagdulag pasiring sa centro kan banwaan na ini an mga suspechado.

Nangyari an incidente poco mas o menos alas 7:00 nin banggui (Mayo 8).

Nagtitipon pa nin evidencia an mga imbestigador para maaraman an kaggibo kan krimen.
Share:

Featured Post

LGU Naga City, stricto sa mga paputok

NAGA CITY (Bicol Standard) -- Pig orolayan kan mga oficial kan LGU Naga asin an 27ng Punong barangays kan Ciudad an mga estratihiya par...