Saturday, May 6, 2017

Army asin NPA nagbaradilan sa Guinobatan

GUINOBATAN, Albay 5/6/17 (Bicol Standard) – Nagbaradilan naman an mga tawohan kan Army asin New People’s Army kasubagong hapon sa Sitio Manarang, Barangay Batbat digdi.



An sabi sa report, an sarong section kan Army na pinapamayohan ni 1Lt. Orbano kan 83rd IB, 9ID an nakasagupa kan carculadong 20ng mga rebelde na nag-resulta sa riribayan nin putok na nagdurar nin 15 minutos.

Nangyari ini poco mas o menos alas 2:00 nin hapon, ngonian na aldaw.

Mayong nalugadan sa mag-ibong na lado. Alagad, an mga rebelde nag sibot pasiring sa direksyon kan bukid na barangay kan Ligao City, sabi sa bareta.

Nagpapadagos an kampanya kan military kontra sa mga rebelde na nagresulta sa nagkapirang bakbakan kan mag-ibong na lado sa laog nin nakalihis na pira nang semana.

An mga rebelde nagpamate kan saindang presensya sa nagkapirang mga lugar da Albay ngonian na bulan.
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...