Monday, May 22, 2017

7 anyos na aki, nalamos sa swimming pool


BACACAY, Albay – Saro man na excursionista an binawian nin buhay sa Dorotea Resort sa Barangay Cajogotan sa banwaan na ini.

Nabisto an victima na iyo si Shaira Lorraine Betito y Sadoguio, 7 anyos, grade 2, asin residente kan Barangay San Pedro sa banwaan na ini.

Nangyari an pagkalamos kan victima poco mas o menos alas 11:00 nin banggui kan Mayo 20.

Segun sa mga imbestigador, an victima binayaan kan saiyang pag-iriba tanganing magdalan nin show sa laog kan function room kan resort.

Pirang minutos sana kan mag-bwelta sa swimming pool an saiyang mga kairiba, naheling na nag-titinga-tinga na sana an 7 anyos na victima, huli ta naka-inom nin kadakul na tubig.

Pig probaran pa kuta nang ma revive an buhay kan aki. Dinara siya sa St. Michael Hospital, alagad ibinalyo sa BRTTH, lunad sa ambulancia, mantang pig aaragap-agapan.

Pag-abot sa hospital, sinabi kan doctor na mayo na siya nin buhay.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...