Wednesday, May 17, 2017

2ng paratinda nin shabu sa Barangay Peñafrancia, rinamalan kan pulis

NAGA CITY – (Bicol Standard) – Duwang agit-agitan na paratinda nin shabu an nadakop kan mga pulis sa ginibong buy bust operation sa may atubangan kan BISCAST, kan Lunes (Mayo 15), ala 1:15 nin hapon.




An mga nasubad kan pulis sa nasambit na operasyon iyo sinda Rodel Castaneda y Gomez, nag-eestar sa Isla Sison (Sitio Sagrada Familia), sa Barangay Peñafrancia asin si Walfredo San Jose y Tan, residente kan Zone 7, Pagdaicon, Barangay Mabolo digdi.

Antes na rinamalan an duwa, nakabakal ngona sa duwang suspechado nin droga an pulis na nagsagin-sagin na parokyano.

Afuera kan ipinabakal sa pulis na shabu, nakakua pa nin ibang droga sa mga suspechado; asin ibang mga gamit sa pag-usar nin droga.

An mga evidencia kontra sa mga drug pushers an dinara sa Provincial Crime Laboratory Office para sa laboratory examination.

Si Castañeda asin San Jose pareyo maatubang nin kaso na isasangat kan mga awtoridad.
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...