Monday, May 1, 2017

2ng lalaki binadil sa Labo, CNorte

LABO, Camarines Norte 5/1/17 (BICOL STANDARD) – Duwang residentes kan banwaan na ini an binadil poco mas o menos alas 10:00 kasubangui sa Maharlika Highway, Barangay Malatap digdi.




Sabi sa report, an mga victima iyo sinda Darwin Nabela y Ybañez, taga P-2, Barangay Anamaen asin Reynaldo Clores y Batacao, taga P-5, Barangay Canapawan sa banwaan na ini.

Sindang duwa (Nabela asin Clores) pareyong may tama nin bala.

Mayong nakabisto kan nagbadil sainda, na naggamit nin badil na dai pa nadeterminaran.

Nagluwas sa imbestigasyon na si Clores may tama nin bala sa toong bitis mantang si Nabela may tama man sa siko.

Huli kan mga lugad na sinapo kan duwa, idinalagan sinda sa Talobatib District Hospital. Alagad, i-binalyo sa Camarines Norte Provincial Hospital sa Daet, Camarines Norte, para matawan nin atensyon medical.

Dai pa aram an motibo kan pagbadil sainda.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...