Friday, May 19, 2017

1 gadan sa iwal nin 2ng burat sa Catanduanes

VIRAC, Catanduanes (Bicol Standard) Mayong huraw na mga makusog na punite na nagtama sa lawas ni Edgardo Soleybar y Pirotso an saiyang ikinagadan, sabi sa report kan pulis.




An suspechadong nakadiscuido sa victima iyo an pig babansagan na “Lagi,” taga Barangay, San Vicente, San Andres, Catanduanes.

An incidente nangyari sa Barangay Lictin, San Andres.

Segun sa imbestigasyon, an pagbanog sa victima nangyari sa laog kan barracks na yaon sa Luyang cave, sa nasambit na barangay.

Sabi kan pulis, an victima asin an suspechado pareyo buyong o naka-inom nin alak.

Nin huli sa pagka-inom, nagkurulitan an duwa, nagdiskusyon, kaya sinampaling asin pigparasuntok kan suspechado an victima.

May ginamit pang armas an suspechado na irinapado sa lawas kan victima, na causa kan mga pasa asin lugad.

Mientrastanto, pig probaran kuta ni Argebal Lumabi y Manlangit na sawayon an duwa, alagad dai niya napugolan an pag-iwal kan duwa.

Naghagad nin tabang si Lumabi ki Arnel Tatel tanganing masaway an iwal.

Alagad, kan magbalik sinda sa barracks, nakadapla na an victima sa daga, may mga lugad sa parte kan saiyang talinga na garong hinombalan nin matagas na bagay.

Nag-iimbestigar pa an mga awtoridad kan nasambit na krimen.

An suspechado nagdulag asin hinahanap ngonian.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...