Friday, April 21, 2017

VM Bilo kan Malinao, 90ng aldaw na matukaw bilang acting mayor


MALINAO, Albay 4/21/17 (BICOL STANDARD) –Si Vice Mayor Sheryl Capus-Bilo kan banwaan na ini an matukaw sa laog nin 90 aldaw, huli sa suspension kan Sandiganbayan ki Mayor Billy Ceriola.

Si Ceriola, maroromdoman na ipig reklamo sa Ombudsman ni Consejal Irene Fajut na nagbalga kan R.A. 3019 (Anti Graft and Corrupt Practices Act). An guinikanan kan reklamo iyo si pig firmahan na permiso kan alkalde sa bulangan na igwa siya nin personal na interes.

An reklamo sa Ombudsman kan 2013 nakasangat na sa Sandiganbayan por medio ta igwa nin probable cause na naheling sa nasambit na reklamo.

Iyo ini an pigbibistahan ngonian.

An preventive suspension ki Ceriola firmado ni Justice Rodolfo Ponferrada, an chairman kan 6th Division kan Sandiganbayan.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...