Tuesday, April 4, 2017

Tinambac: 'Haen an mga lider ngonian?'


NAGA CITY 4/4/17) Kulang na sanang maghibi an nagkua kan retratong ini huli sa makuring kamugtakan kan saindang tinampo ngonian sa banwaan kan Tinambac.

“Kamo na lang po magsabi kun ano an samong kamugtakan. Arog kaini an tinampo kada minabulos an uran,” sabi kan nagretrato kaini.

Sabi sa BICOL STANDARD, kinua niya an retrato sa pag-oltanan sa barangay San Ramon asin Pantat, duwa sa mga lugar na pirme na sanang malaboy an tinampo, kun nag-ooran-oran.

“Bastang may election, ini an pig popromisa samo kan mga kandidato. Iyo man guiraray an kamugtakan hasta ngonian,” an sabi kan nagbabaklay sa tinampo na nagpadara kan retrato.

Nangapodan guiraray an mga residentes kan nasambit na mga barangay sa saindang mga opisyales sa barangay asin orog na sa banwaan na reparohon man an saindang kamugtakan.

Mantang nag eestorya sa parasurat kan peryodiko, hinagad kan informante na ipaabot sa saindang mga opisyal kan Tinambac na tukadon an saindang lugar para maaraman an saindang mga pagkukulang.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...