Tuesday, April 4, 2017

Snatcher sa Naga City, nadakop kan pulis


NAGA CITY 4/4/17 (BICOL STANDAD) – Dai nakapalag si Joven Novelo y Mirason, taga San Roque, Camaligan, Camarines Sur kan siya tringkahan kan mga pulis huli sa sahot na siya si nag-agaw kan kulentas ni Regina Zamudio-Verdeflor na fuersahan na rinabnot sa victima.

Nangyari an krimen sa P. Burgos St., Dinaga, o sa centro mismo kan ciudad na ini, poco mas o menos ala 1:30 nin hapon.

An sabi kan victima, masakay na siya sa pampasaherong jeep sa P. Burgos, kan agawon saiya an bulawan niyang kulentas na may tampok na kruz. An valor kan alajas, P40,000.00.

Sabi kan victima, marikason na nagdalagan pasiring sa Gen. Luna St., Igualdad an parahabas.

Mientrastanto, ipig report kan victima an incidente sa pulis, na nagpadara tulos nin mga tawohan sa lugar na pwedeng tagoan kan mga pusikit na parahabon.

Pirang minutos sana, binitbit kan mga awtoridad, asin positibong pigconfirmar kan victima na iyo si naghabas kan saiyang kulentas.

Sinangatan na nin kaso an suspechado.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...