Thursday, April 27, 2017

Robin Padilla, babaeng kaiba, dakop droga


BALENO, Masbate 4/27/17 (BICOL STANDARD) Nadakop si Robin Padilla y Huelva, 25 anyos asin si Melaniel Sia y Moncada, 36 anyos, an pig-coconsiderar na No. sa Municipal Watchlist digdi, na suboot imbuelto sa pagtinda nin droga.

Pinosasan sinda kan mga awtoridad sa anti-illegal drug operations sa Cortes St., Barangay Poblacion, sa banwaan na ini.

An nagplano kan operasyon iyo si mga tawohan kan Baleno Municipal Police, Police Intelligence Branch (PIB) asin an Municipal Public Safety Company.

Ginibo an pagrekisa kan reaidencia kan duwa por medyo kan search warrant na hale sa jusgado.

Mientrastanto, narecover kan nasambit na team an illegal drugs na sampulong pidaso nin darakulang pakete nin shabu, 9 na medium size asin dagmang na pig repack na illegal na droga.

An carculo kan mga imbestigador, dai makulang sa kantidad P500,000 an valor kan illegal na droga na nakua sainda.

Dinara kan mga awtoridad an mga evidencia sa Regional Crime Laboratory Office sa Legaspi City.

An mga suspechado napupugolan ngonian kan Baleno MPS, mientras na pighahanda an pagsangat nin caso kontra sainda.

Pagbalga kan R.A. 9165 o an Comprehensive Dangerous Drugs Act of 2002 an aatubangon nindang caso. (Report hale ki Jet Ramos)
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...