Tuesday, April 11, 2017

Pagbasura kan caso kontra ki Gov Kho, hinahagad baliktadon


MANILA 4/11/17 (BICOL STANDARD) -- Hinagad kan Ombudsman na baliktadon kan Sandiganbayan an desisisyon na nagbasura kan caso kontra ki Gov. Antonio Kho kan Masbate, manongod sa Php 4.9 milyones na suboot anomaliya sa pagbakal nin likidong abono.

Ini nangyari kan taon 2004.

Sa 7ng dahon na motion for reconsideration, sinabi kan mga procurador na dai nin pagka-abala na nangyari sa lado kan Ombudsman dapit sa pag kompleto kan preliminary investigation sa caso.

Sabi pa kan mga procurador, na dai man nag apelar an mga respondent sa issue kan pagkaabala, ante pa kan pagsangat kan caso sa Sandiganbayan.

Hinagad kan mga procurador na kaipohan ipadagos an pagdangog kan kaso bilang pag-otob kan mandato kan ley na an estado igwa nin inherent na derecho na magsangat nin caso sa mga nagkasala.

Sinahotan kan Ombudsman si Kho asin Rapsing na suboot nakipag kotsaba ki Ajero asin Alex Rivera, an presidente kan Hexaphil, na nagtao nin dakulang beneficio sa companiya.

Ini sa paagui pagpabakal sa LGU Masbate nin 7,141ng bote nin liquid fertilizer sa kantidad na Php 700.00 an kada saro na dai nag-agi sa subasta.
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...