For immediate hiring

For immediate hiring

Monday, April 17, 2017

Padyak driver, victima nin holdupper sa Daraga, Albay


DARAGA, Albay 4/17/17 (Bicol Standard) – Atab pang nagbangon si Joshua Perena y Nieva, an 35 anyos na driver tanganing pedalan an saiyang padyak kan Sabado de Gloria (Abril 15), para makadelensiya nin cuartang gastoson kan saiyang nagtitios na pamilya.

Maski nag-aambon asin nagtatagiti pinirit niyang kabayo-an an luma nang bisekleta para maghatod nin mga pasahero na paduman sa simbahan asin pabalik sa saindang mga residencia.

An dai piglalaoman ni Perena na kan nasambit na aldaw igwang malunad saiya na may maitom an plano na agawon an kantidad Php 2,000.00 na hale sa saiyang nagtatagaktak na hinang sa pag-sikad-sikad sa bilog na maghapon.

Sabi sa report, poco mas o menos alas 5:30 nin hapon naglunad sa saiyang padyak si Verman Molina, soltero, taga P-2 kan barangay Binitayan, sa banwaan na ini.

Segun sa deklarasyon kan victima, pag-abot ninda sa barangay Binitayan, nagbunot nin lansetas hale sa saiyang habayan an suspechado, dangan i-tinusok sa victima an matarom puro kan armas.

Fuersahan na rinabnot sa saiyang poder an kantidad Php 2,000.00 asin nagdulag pasiring sa looban kan nasamit na barangay.

Pakatapos na i-report sa pulis an incidente, tulos nagdispachar nin mga awtoridad pasiring sa pinangyarihan na lugar.

Naaraman na an suspechado dai na man palan nag-eestar sa nasambit na barangay, pakatapos na ipabakal na niya an saiyang harong nagkapirang taon na an naka-agi.

Masangat man guiraray nin demanda an victima kontra sa suspechado.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...