Friday, April 28, 2017

P125 mil kada saro sa 3ng 100 anyos na taga Labo

LABO, Camarines Norte – KANTIDAD P125 mil (P125,000.00) pesos an pig recibe kan kada saro kan tulong taga digdi na may edad labing 100 anyos na ngonian.


Photo courtesy of DWLB Fm, Labo, Camarines Norte

Sa banwaan na ini, an mga labi nang sangatos anyos iyo an minasunod: FRANCISCA C. DIZON, 102 anyos, taga Barangay Malasugui; ROSARIO P. FERUELO, 105 anyos, taga Purok 7, Barangay Baay digdi.

An saro pang centenaryo binawian nang buhay dai pa lang nahahaloy. Alagad, an premyo, itinao sa mga miembros kan familia.

Si Lorillie Villanueva, an pamayo kan MSWD Office digdi an namayo kan pagdistribuir kan insentibo guikan sa gobierno national, sa paagui kan Department of Social Welfare and Development (DSWD).

Ini susog sa Republic Act No. 10868 na inaapod “Centenarian Act of 2016.” Sa lindong kan nasambit na ley, an gabos na Pilipino na an edad 100 anyos o labi, nag-eestar digdi o yaon sa luwas kan nasyon an tatawan nin P100,000.00.

May dagdag pang P25,000.00 sa kada saro an tulong mga cerninarians hale sa Local Government kan Labo base sa recomendasyon ni Mayor Joseph Ascutia asin Vice Mayor Jojo Francisco.
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...