For immediate hiring

For immediate hiring

Monday, April 17, 2017

Motorsiklo nag-salpakan, 2ng driver pareyo gadan


OAS, Albay 4/17/17 (BICOL STANDARD) –Pareyong binawian nin buhay mientras na pigbubulong sa hospital an driver kan duwang motorsiklong nagkabangaan sa Barangay Nagas, sa banwaan na ini.

Nabisto an mga nagadan na iyo sinda Bonifacio Osorio, taga Barangay Maramba asin Alex Bausing, taga Barangay Nagas.

An sabi kan pulis, pinaisi sinda kan nangyaring aksidente por medyo kan apod sa 911, na iyo an hotline kan pulis.

Narisa kan mga nag-atendir sa hospital na dakul an tama sa lawas kan duwang driver na iyo nindang ikinagadan.

An sabi, si Osorio hale pa sana sa Sitio Imacoto, sa Barangay Cagmanaba, papuli pasiring sa saindang harong.

Si Bausing, sa ibong na lado, nagdadalagan sa kasabat na direksyon.

Segun sa imbestigasyon, luminaog si Osorio sa linya na pig dadalaganan ni Bausing, kaya nagkasuagan an saindang mga vehiculo.

Pareyo sindang idinalagan sa Pantao District Hospital para ipabulong.

Alagad, dali-daling ilinipat sa Bicol Regional Training and Teaching Hospital (BRTTH) na mas completo an gamit sa pagbulong. Pero, pareyo sindang ipig declarar na gadan na, sabi kan doctor.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...