Thursday, April 27, 2017

Mga badil, bala nakua sa harong sa Jose Panganiban, CNorte


JOSE PANGANIBAN, Camarines Norte 4/27/17 (BICOL STANDARD) – Dai na nakalibre sa kamot kan mga awtoridad si Joselito Padua Jr. y Cosa na taga Sitio Calogcog, Barangay Luklukan Norte sa banwaan na ini kan siya servehan nin search warrant hale sa jusgado.

Kairiba an mga miembros kan Provincial Police kan Camarines Norte, an MIG, Municipal Police Station, Criminal Investigation and Detection Team (CIDT), linaog kan nasambit na grupo an residencia kan suspechado.

Nakua sa laog kan saindang pagrogaring an man laen-laen na evidencia nin krimen, arog kan sarong calibre .380 na pistol, Tamarmi MOD Ta Tanfoglio, sarong magazine assembly na may laog nin 9 na bala, mga bala para sa calibre .380ng badil, 1ng calibre .45 na pistol, 2ng magazine assembly na may 12ng bala para sa calibre .45 asin iba pa.

An paglaog sa saindang harong susug sa search warrant na firmado ni Judge Ivan Dizaon kan RTC Branch 40 kan Regional Trial Court kan Daet, Camarines Norte.

An suspechado maatubang nin dagmang na mga caso, huli kan mga evidencia na nakua sa saiya.

Si Padua yaon ngonian napupugolan kan mga police, mantang pig pepreparar an caso kontra sa saiya.

Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...