For immediate hiring

For immediate hiring

Wednesday, April 19, 2017

Mag ina, natuprod sa kalayo sa Paracale


PARACALE, CNorte 4/19/17 (BICOL STANDARD) –Nagadan an mag-inang sinda Nerresa Velasco - Delemios, 36 anyos, asin an ngohod niyang aki na si Jessa Delemios, 9 anos, kan mag-arab-adab an kalayo na nagtuprod kan saindang harong kasuodmang mag-omagahon.

An incidente nangyari sa Purok 5 sa Barangay Dalmac, sa banwaan na ini.

Mientrastanto, may mga bakros asin rungas sa saindang lawas si Mike Delemios, an ama asin si Jerick Delemios, aki kan victima.

Si Nerry Mae Delemios, an saro pa sa mga aki kan pamilya Delemios an nakalibre sa ano man na lugad.

Base sa deklarasyon kan ni Mike Delemios, naguimata sinda na nag-kakanayap na an kalayo asin nasusulod na an dakulang parte kan residencia.

Nagtarabang kuta an mga residentes sa pagtaraid na harong. Alagad, makusog na an kalayo, kaya dai na kinaya maampat an kalayo.

An mga victima dai tulos nakaluwas sa nasusulong harong asin duman na sinda nagadan.

An sabi, nagresponde man an mga tawohan kan Bureau of Fire Protection kan Paracale asin Labo.

Alagad, kan magabot sinda sa lugar, kinakan nan a nin kalayo an harong.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...