Tuesday, April 18, 2017

Mag-agom na Avenido na akusado sa investment scam, nadakop na


NAGA CITY 4/18/17 (Bicol Standard) – Nadakop na kan Sabado (Abril 16) si Nestor Avenido asin an saiyang agom na pareyo may inaatubang na mga mandamiento de aresto hale sa Regional Trial Court (RTC) sa Pili, Camarines Sur.

An mga casong inaatubang kan mag-agom asin kan mga miembros kan saindang familia, anas estafa asin syndicated estafa na mayong recomendadong fianza para sa saindang temporaryong libertad.

Segun ki PSupt Errol Garchitorena, Jr., kan Camarines Sur PPO, an mag-agom na Avenido yaon detinido sa laog kan carcel kan Santo Tomas, Batangas.

An nagtarabang sa pag-serve kan kadakul na mandamiento de aresto sa mag-agom iyo an Police Provincial Office kan Batangas, an mga tawohan kan Criminal Investigation and Detection Group (CIDG) asin an lokal na pulis digdi.

Sa suhay na intrevista ki NBI Agent Rex Solano, na nakadistino digdi, inako kaini na ngonian pa sana ninda naaaraman na nadakop na an mag agom na Avenido, na haloy nang hinahanap.

“Makikipag coordinar kami sa pulis sa Santo Tomas, Batangas para maiserve ining iba pang mga warrants, kun dai pa nakabale. Orog na ining mga non-bailable,” sabi ni Solano.

Mientrastanto, maroromduman na kan 2015, 47ng mga cliente kan mag agom na Avenido an nagdulok sa NBI para maghagad nin tabang na mabawi ninda an binutasan na darakulang kantidad.

Kabale sa mga nagsasabing nabiktima ninda iyo an mga retiradong mga pulis, mga paratukdo, principal Oveseas Filipino Workers, mga negosyante asin maging mga juwes kan jusgado digdi.

Nagputok an problema kan dai na makabayad si Avenido sa mga cheke na pig issue ninda sa mga cliente, huli ta mayo nin fundo sa banko.

Pighahalat na sana kan NBI asin pulis digdi na darahon mga akusado sa Camarines Sur para atubangon an dagmang na mga akusasyon.
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...