Wednesday, April 19, 2017

Lamos sa pagkamoot, binadil an sadire sa Guinobatan


GUINOBATAN, Albay 4/19/17 (BICOL STANDARD) – Lamos nin pagkamoot.

Ini an kamugtakan ni Dexter Moratalla y Nidea, an 24 anyos na soltero na nagbadil sa sadire kan maisihan na pig break na siya kan saiyang namomotan.

An sinasabing ilusyon ni Dexter iyo si Maryjune Binaraba y Mirabueno, an 27 anyos na magayon na daraga na taga Barangay Mauraro sa banwaan na ini.

Segun ki Maryjune, narisa niya na mainit an payo ni Dexter kaya ngani naghagad siya nin tabang ki SPO1 Lingcaso.

Sabi kan daraga, makuri an pag-imon o selos ni Dexter asin manongod sa saindang pagsuwayan.

Mientras na nasa Zamora St., sa Poblacion digdi, nag-iwal pa an duwa.

Dangan, naheling na sanang nag dadalihig an mga luha sa mata ni Dexter. Pasirbog an paglakaw.

Minutos sana, kinua niya (Dexter) an sukbit na badil na .9mm. Pinaputok sa saiyang sintibo.

Makusogon na pag-tiwin nin dugo hale sa saiyang payo, kaya idinalagan siya sa hospital sa Ligao City.

Alagad, an sabi sa report, binawian na siya nin buhay.

Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...