Sunday, April 30, 2017

Lalaki, naligis kan Raymond bus, runot an payo


SAN FERNANDO, Camarines Sur 4/30/17 (BICOL STANDARD) –Runot an payo kan driver kan motorsiklo na nabudalan asin naligis kan rueda sa hurihan kan Raymond bus kasubagong alas 2:00 nin hapon, sa Pamukid digdi.

An Raymond bus na pigmamaneho ni Ronald Bien Hantid y Mendoza, pasiring sa Metro Manila, mantang an motorsiklo nabudalan pigmamaneho ni Leonilo Murillo y Bibe, na taga Barangay Bell, Magarao, Camarines Sur.

Segun sa report, nasusunudan kan bus an motorsiklo na nagdadalagan sa Maharlika Highway, sa nasambit na barangay.

Kan matupa kan bus si lubot kan motorsiklo, nahulog an driver sa cementadong tinampo. Dangan, naka-sirong sa bus an nadisgrasyang driver asin naligis pa an payo kan hurihan na rueda.

Binawian tulos nin buhay an victima.

May nag-agap man tulos sa victima kan aksidente. Alagad, mayo nang esperansang mabuhay an naligis ta na tao ta narunot si saiyang payo.
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...