Monday, April 3, 2017

Lalaki, binadil sa Cataingan, Masbate


CATAINGAN, Masbate 4/3/17 (BICOL STANDARD ) Sarong negociante digdi an binadil mientras na yaon sa saindang tindahan nin mga gulayon, poco mas o menos alas 7 kan sarong banggui.

An victima iyo si Lodo Dela Rama y Medina, residente kan Market Site, Brgy. Poblacion digdi.

An mga suspechado iyo si Jose Sherman Boro Sr., y Menson, guardia sa pier asin si Camal Minandang, pareyong naka-estar sa Brgy. Poblacion.

Si Boro naarestar kan mga awtoridad mientras na si Mindandang, nakadulag.

Segun sa mga imbestigador, an victima yaon sa saindang tindahan nagdadalan nin pelicula sa saiyang cellphone.

Nag-abot bigla si Camal Minandang asin rinapado an victima nin kapidasong kahoy asin tinamaan sa saiyang walang takyag.

Sinundan ini kan pagbunot nin badil ni Boro, dagos binadil an victima.

Maray ngani suboot ta nasagang kan victima an badil, kaya dae siya tinamaan kan bala.

Mientrastanto, an mga tawohan kan Cataingan MPS nagpadara tulos nin mga tawohan, kaya naarestar si Boro sa atubangan kan saindang harong.

Nakua sa poder kan suspechado an badil na .9 mm na may laog nin bala.

Pighahanda na kan pulis an kaso kontra sa mga suspechado.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...