Saturday, April 29, 2017

Kapitan sa barangay, 2ng nagtupada, dinakop sa Sorsogon

DONSOL, Sorsogon 4/28/17 (BICOL STANDARD) — Maatubang nin casong pagbalga sa Illegal Gambling asin PD 149 (Illegal Cockfighting) an tulong residentes kan banwaan na ini na dinakop kan mga pulis mantang nagpupurok an 2ng manok sa tupada kasoodma.




An mga kakasuhan iyo an duwang sultador na sinda Jerry Peñaflor y Bon, 54, Ricky Castillo y Ibañez, 37, asin an Punong Barangay kan Santa Cruz na si Ernesto Pantuay y Ombao, 68 anyos.

Tinuklo sinda kan mga pulis kasuodmang alas 3:00 nin hapon sa nasambit na barangay.

Kabale sa mga evidencia na dinara kan mga pulis iyo an mga pambulang na manok, tambod na tulong pulgada an laba asin an sarongan kan tambod.

Sabi kan pulis, haloy na sindang nagpatanid sa gabos na mga imbuelto sa illegal na burulang na dai sindang papatawadon, kun sinda mabalga kan ley.

Pig pepreparar na kan mga awtoridad an mga caso na isasangat kontra sa sainda.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...